موضوع: حكايتى مع مدير المنتدى ( الجزء الثانى ) الجمعة 7 ديسمبر - 9:52
السلام عليكم ورحمة الله وبركاته
نكمل القصة اللى بداتها
رجعت ليلى البيت وهى مش عارفة فى ايه والقلق مسيطر عليها خوف رهيب ان اى شئ يكون حصله لكن موجدتش اجابة
حتى متعرفش رقم الرحلة او هو جه امتى لانه كان متكتم جدااا غريبة جدا ان فى شاب متكتم زى ما يكون بيخفى جريمة وبدات ليلى تصر على انها تعرف ايه اللى حصله
طبعا مفيش ادامها غير الكمبيوتر الايميل المنتدى كل شئ لكن مفيش اى استجابة منه المنتدى مش بيدخله والايميل علطول اوف لاين ومفيش اى ايميلات منه او رد على رسايلها
تقول ليلى مشكلة موضوع النت ده يعنى هو لو كنت قابلته فى الواقع كنت عرفت عنه حاجة بجد الوضع صعب انا معرفش هل هو بيتهرب منى والا فعلا حصله حاجة وفضلت شهر اسال عليه وابعتله ايميلات ومفيش فايدة بس المنتدى شغال كويس يعنى مش معقول هو سايب المنتدى وقررت ان احسن شئ هو انى اتقرب الى نائب المدير اكيد بيتصل بيه
يااااه احساس صعب اوى انى اهرج مع واحد عشان اجذبه ليا واجرجره فى الكلام كل ده عشانه ؟؟؟؟؟؟؟؟ هو انا بحبه للدرجة دى؟؟؟؟؟؟؟؟؟؟؟
وعملت المستحيل مع النائب ومع ذلك مفيش فايدة بس عرفت انه محصلوش حاجة عرفت انه مشغول وخلاص وبيتابع المنتدى من بعيد
بس ليه هو بيتجاهلنى مش عارفة؟؟؟ كمان عملى بلوك فى الايميل وكمان تجاهل عالرسايل والشات يعنى مش عارفة اوصله مفيش ادامى غير انى ابعتله ايميلات كل شوية وبعتله رقم تليفونى وعنوان بيتى وشغلى وقلتله لما تبقى ترضى عنى كلمنى عشان افهم بس فى ايه
وبرضه مفيش ردود بجد حسيت انى مذلولة اوى انا اول مرة اترجى حد بس بعد شهرين جتلى رسالة منه انسى كل حاجة انا مش عايز اتكلم معاكى تانى وبدون اسباب خلاص انا مش عايز اكلم بنات
اوووووه صدمة كبيرة اوى وحاولت افهم منه اللى حصل لكن للاسف قاللى خلى عندك كرامة ومتدخليش المنتدى ومتبعتليش رسايل
معقولة؟؟؟؟؟؟؟؟؟؟؟؟ طب ليه كل ده زى ما اكون غلطت معاه وبقوله تعالى اتجوزنى ليه بيعاملنى كده؟؟؟؟؟؟؟
خلاص نسيته ومش عايزاه وبعدين بعد اكتر من شهرين من الصراع معاه ومحاولة ارضاؤه ظهر شاب فى حياتى مهندس كمبيوتر كان جاى بيتعامل مع الشركة اللى بشتغل فيها وبعد فترة بدا انه يقربلى ويتعامل معايا الصراحة مكنتش مهتمية بيه لان كل اللى فى دماغى مدير المنتدى وتصرفه معايا المفاجئ وجرحه ليا
وفى يوم كان مهندس الكمبيوتر بيحكى على الهاكرز وانه يقدر يدخل على اى منتدى وممكن يوقفه طبعا انا ابتدت تيجيلى افكار انى ادمر المنتدى بتاع المدير لانى كنت كارهاه اوى وادخل عليه واحاول انى اعرف فى ايه ولقتنى بقول للمهندس طيب علمنى انا نفسى ابقى خبيرة اوى فى الكمبيوتر قاللى فى الكمبيوتر والا فى القرصنة
قلتله لا بجد عايزة اتعلم قاللى ماشى وانا موافق وعرفت انه عنده سنتر للكمبيوتر صيانة وتعليم وكل حاجة وكان لسه فاتحه جديد قلتله علمنى وانا هشهرلك السنتر بتاعك وهو وافق
حسيت انى موقفة حياتى على مدير المنتدى وازاى انتقم منه لدرجة ان معندش عندى فرق انى اكلم اى شاب بس عشان اوصل للمدير
وبدات اخد كورسات عند المهندس وفعلا كان عنده خبرات كتيرة وقاللى محدش يعرفها خالص بس انا هقولهالك لانك غالية عليا
طبعا مكنش فى دماغى اعجابه بيا انا كنت بستغله وبس يااااه اد ايه انا اتغيرت ده اى شاب كان بس يقولى كلمة اعجاب كنت اخلى يومه اسود بس دلوقتى خلاص كل حياتى اتركزت انى انتقم من المدير
وفعلا اتعلمت ازاى ادخل على اى منتدى واقدر اكسر قاعدة البيانات وكل حاجة وبدا المهندس يعلمنى على منتدى واحد صاحبه كنوع من التعليم وفعلا قدرت
وحان وقت الانتقام بس انا عارفة ان المدير شاطر اوى فى الكمبيوتر يعنى اكيد انه هيقدر يرجع منتداه
بس قلت لا انا لازم اوريه وكمان قدرت انى اعرف الباسورد بتاع ايميله وشفت كل حاجة وابتديت انى ادخل على ملفاته
المهندس ده روعة جدااا بجد ساعدنى كتيييير
وفعلا دخلت على المنتدى بتاعه ووقفته وبعت رسالة ليه قلتله ده انتقام بسيط وابقى فرجنى هتعمل ايه؟؟
ولاول مرة يرد على ايميل ابعتهوله بس يعينى كان هو اللى بيترجى المرة دى
موضوع: حكايتى مع مدير المنتدى ( الجزء الثانى ) 
الجمعة 7 ديسمبر - 9:52
