موضوع: حكايتى مع مدير المنتدى (الجزء الاول ) الخميس 6 ديسمبر - 12:57
السلام عليكم ورحمة الله وبركاته
قصة بنت اسمها ليلى اتمنى انها تعجبكم
دخلت ليلى منتدى من المنتديات المنتشرة اللى عالنت وزى اى واحدة تفاعلت وردت على المواضيع وكتبت وعبرت عن افكارها وزى اى بنت الكل عايز يتعرف عليها وياخد ايميلها ولكن المشكلة انها ابتدت تعجب بشخص محدد وحست انها عايزة تقرب منه وهو المدير
كان بيشدها فيه مواقفه وكلامه وحست خلاص انها ابتدت تحبه معقول؟؟؟؟
تقول ليلى انا فعلا حبيته لكن معقول هدخل فى قصة من قصص النت المنتشرة كل يوم؟؟ وبعدين هو فى بلد تانية يعنى حتى مش هقابله لانه مش هيقدر يجى مصر وفى وسط افكارها جالها رسالة منه انه عايز يتكلم معاها عالماسنجر
طبعا فرحت جداااا انه حس بيها او حتى انه ..... ايه ده؟؟ مهو بيتكلم مع الناس كلها وكمان البنات كلهم معجبين بيه!!!!
ايه الهبل ده؟؟ ده نت يعنى كل ده كلام فارغ
لكن كلمته وحسيت انه شخصية رائعة جداااا رجولة بجد والكلام اخدنا من يوم ليوم خلاص بقى حاجة ثابتة فى حياتى انى اتكلم معاه
لكن ده انا حتى مشوفتش صورته ولا حتى اعرف اسمه وفى يوم اتشجعت وسالته عن اسمه والغريبة انه مقالش وقال ان احسن شئ فى علاقتنا انه بيربطنا الغموض واتفقنا ان محدش يعرف اى حاجة عن التانى عشان محدش يتعلق ولا يحب التانى وتبقى العلاقة ماشية على كده
الغريبة انى مليش فى كلام الشباب يعنى المدير هو اول شخص فى حياتى ولا حتى كلمت شباب قبل كده عالنت بس انا فعلا بحبه لكن هل ده وهم النت؟؟؟ طيب ياترى هو بيحب.......؟؟ معرفش فعلا محتارة بس طالما محدش يعرف اى حاجة عالتانى خلاص علاقتنا محترمة ايوة محترمة
تخيلوا رغم ان شاب وبنت بيتكلموا على الماسنجر كل يوم لكن عمرنا ما قلنا حاجة عن حب او كلام خارج والاغرب ان هو اللى طلب ده زى ما يكون خايف منى!!!!!!!!!!!
حتى كان ممنوع ان اى حد يعرف اى شئ شخصى عن التانى ولا يتكلم عن عيلته وهو فعلا شخصية غامضة حتى فى المنتدى ميعرفوش حاجة عنه كل اللى عرفته عنه وكمان بالصدفة انه مصرى مقيم فى الخارج بس ده اللى انا اعرفه حتى معرفش اذا كان متجوز والا لا؟؟
يمكن اللى كان بيشدنى له هو الغموض يمكن.........
وحسيت ان علاقتنا قلبت علاقة خاصة بين مدرس وتلميذته يعنى لما كان يرد عليا رد وحش فى الموضوع او يتعصب عليا فى الشات ادام الاعضاء اجى بليل واقوله ازاى تعمل كده فيا؟؟ يقولى اللى بينا حاجة والمنتدى حاجة تانية
فعلا حبيته واتعلقت بيه جداااااااااااااااااااااااا
وفى يوم كان يوم صاعقة قالللى انا جاى مصر
معقوووووووووووووووووووووول!!!!!!!!!!!!!!!!!!!!!!
مش الغريبة انه جاى مصر الغريبة انه طلب يقابلنى مش مصدقة لانه اصلا مفكرش حتى يقولى ورينى صورتك
تخيلوا ؟؟؟؟؟ وافقت وقلتله اوكى معرفش ازاى ده انا عمرى موقفت مع شاب فى الجامعة بس هو كان عندى حاجة كبيرة اوى
وقلتله طيب هنتقابل فين؟؟ قاللى انا هنزل فى فندق النيل هيلتون نتقابل هناك
طب كويس انه اختار مكان عام وكبير الحمد لله يعنى مش قصده حاجة وحشة
طيب ابعتلى صورتك وانا ابعتلك صورتى عشان نعرف بعض انت عارف مصر كبيرة وممكن نتوه
قاللى لا خلينا نكمل الغموض ونتقابل فجاة ويبقى اول لقاء لينا فى مصر انا عايز كده وانا هعرفك من لبسك وخلاص
قلت اوكى غريبة اوى انى بنساق وراه وبسمع كلامه فى كل حاجة زى ما يكون مخدرنى فعلا مش بقدر اقوله لا
قاللى خلاص انا هعرفك نتقابل يوم الاحد الساعة 4 العصر فى الكافى شوب بتاعة الفندق
وغاب يومين عالنت عشان تجهيز السفر حتى طلبت منه رقم تليفونه او ياخد رقم تليفونى برضه قال لا
الشخص ده غريب جداااااااااا جدااااااااااااااااااا!!!!!!!!!!!!!!!!!!
حتى اعتذر عن المنتدى لمدة شهر والمساعد بتاع المدير هو اللى هيقوم بالشغل كنت فرحانة اوى انه هيبقى متفرغلى فى مصر بس..... هو انا هقابله كل يوم؟؟؟ هو جاى يشوفنى والا جاى يخطبنى؟؟
انا مش عايزة افكر فى اى حاجة خلاص مش مهم اشوفه بس هو ده المهم
نزلت يوم الاحد من الساعة 3 ونص فى الكوفى شوب وكنت جميلة اوى يعنى مفيش مشكلة اكيد اول مهيشوفنى هيفرح جدااا لانى جميلة اوى ويا ترى هو كمان جميل ويا ترى.......
خلاص بقى اهو هيجى وهشوفه وانا غارقة فى وسط تخيلاتى الساعة 4 ونص ومجاش
معقوووولة؟؟ تخيلوا فضلت منتظرة لحد الساعة 9 ومجاش
مش ممكن طب فى ايه؟؟ طبعا افكارى قاعدة تودى وتجيب هو حصله حاجة؟؟ طب هو مجاش؟؟ طب شافنى ومشى؟؟ طب ضحك عليا؟؟ بس هو هيضحك عليا ليه؟؟ طب...............
طب اروح اسال عنه فى الاستقبال ؟؟ بس هسال اقول ايه؟؟ واحد مصرى جاى من الامارات بحبه عالنت ده الناس يضحكوا عليا انا معرفش اى حاجة عنه؟؟؟؟
وقمت وانا بعيط افتح الكمبيوتر مش موجود لكن يا ترى مجاش ليه؟؟؟!!!
تعرفوا بقى مجاش ليه فى الجزء التانى من القصة
اتمنى انها عجبتكم ونكملها ان شاء الله
بولمان مبدع جديد
عدد الرسائل : 41 رقم العضوية : 6 نشطا العضو :
تاريخ التسجيل : 28/11/2007
موضوع: رد: حكايتى مع مدير المنتدى (الجزء الاول ) الخميس 6 ديسمبر - 13:24
موضوع: حكايتى مع مدير المنتدى (الجزء الاول ) 
الخميس 6 ديسمبر - 12:57
