دكتورة ولاء
مبدع ذهبى
عدد الرسائل : 338
العمر : 41
نشطا العضو :
تاريخ التسجيل : 05/12/2007
 |  موضوع: حكايتى مع مدير المنتدى ( الجزء الثالث )  الجمعة 7 ديسمبر - 18:11 | |
| السلام عليكم ورحمة الله وبركاته
نكمل.................
وجدت ليلى امام فرصة ارتباط ووجدت نفسها امام سؤال ايه هى علاقتى بمدير المنتدى وهتوصل لفين؟؟
وقررت انها مش هترتبط بالمهندس لان مينفعش ترتبط بشخص وهى متعلقة بشخص تانى
وقابلت المهندس وقالتله انا اسفة بس الجواز حاليا مش من مخططاتى وان شاء الله ربنا يديك بنت الحلال اللى تستاهلها
المهندس قالها اوكى ليلى بس انا حاسس ان فى حاجة بعداكى عنى عامة انا مش عايز الدر حالا وياريت تاخدى وقتك ويسعدنى جدا انك تبقى زوجتى
ليلى طبعا مهتمتش لان كل اللى شاغل تفكيرها حاجة واحدة بس حبها لمدير المنتدى وخلاص مش فى دماغها اى حاجة تانية
وفضلت علاقتها بمدير المنتدى مستمرة وفى يوم ابتدا انه يفتح فى الكلام معاها اووى ويقولها ليى متورينى صورتك او اقولك افتحى الكاميرا احسن
ليلى طبعا استغربت وقالت
ايه التغيير المفاجئ ده؟؟ ليه يعنى؟؟ ولقت نفسها بتفرجه صورتها عادى وقالها ياااه ايه الجمال ده معقول الجمال ده كان هيبقى معايا فى مصر ده انا طلعت اهبل انى مجتش
وحست انه ابتدا يفتح فى الكلام ودخل فى حاجات تانية جدا
ليلى : هو فى ايه؟ انت شارب حاجة؟ انت مالك مش مزبوط فى كلامك ليه
المدير : لا مش شارب بس مش معقول نبقى شاب وبنت ونتكلم فى السياسة فكيها بقى بلاش تعقيد احنا دارينا مشاعرنا كتير وخلاص بقى انا مش قادر
ليلى : يعنى قصدك نرتبط؟؟
المدير : ايه؟؟؟؟؟؟ مين جاب سيرة الارتباط؟ ليلى خلينا مع بعض احسن كده جواز ايه بس اللى بتفكرى فيه
ليلى : انت قصدك ايه؟؟ انا بحبك ونفسى نرتبط
المدير : تحبينى اه اوكى خلينا نقضى وقت مع بعض مفيش مشكلة لكن قصة الجواز دى انسيها واحنا كده مبسوطين انا مبفكرش فى الجواز نهائى ومش عايز اتجوز
طبعا ساد صمت رهييييب على ليلى وحست اد ايه هى رخيصة ومعملتش حاجة غير انها شتمته وقفلت النت ونزلت فى عياط هيستيرى
بدات ليلى تفكر انها اد ايه كانت غلطانة اكيد طبعا ولد وبنت بيتكلموا لازم تبقى دى النهاية وبدات تلوم نفسها وقررت انها خلاص تنساه وحمدت ربنا انه مجاش مصر والا مكنتش عارفة ايه اللى كان ممكن يحصل بس انا اللى غلطانة غلطانة غلطانة
وفعلا بعدت خالص عن المنتدى وعن النت ومكنتش بترد على ايميلاته على اد ما كانت بتحبه على اد ما كرهته اوووى اوووى اول مرة حد يعاملها بالرخص ده
وبدات ترجع لحياتها واحدة واحدة وتنسى موضوع النت خالص وفى يوم كانت معزومة فى فرح زميلة لها فى الشركة ولقت المهندس معزوم وابتدا انه يكلمها تانى فى موضوع الجواز وبعد محاولات من المهندس حست ليلى ان اسرع طريقة تنسى بها حكايتها عالنت انها ترتبط بالمهندس وفعلا انخطبت للمهندس
وبعد فترة من الخطوبة حست فعلا انها حبته اووى اووى وقالت اهو هو ده الحب مش بتاع النت
وفى يوم سالها خطيبها ليلى انتى ليكى علاقات قبل كده؟؟؟
ترددت ليلى اووى وكانت مستنية اليوم ده اللى هيسالها فيه خطيبها السؤال ده زى اغلب الرجالة المصريين ولقت ليلى احسن شئ الصراحة وحكيتله على موضوع النت
وطبعا خطيبها فضل يسمعها وسالها اسئلة بالكوم كنتى بتتكلمى معاه فى الحب؟؟ كنتى بتقابليه؟؟ كنتوا بتعملوا ايه؟؟ طيب المنتدى اسمه ايه طب ايميله ايه؟؟ ، .......................
وليلى بترد وبتجاوب على كل الاسئلة
وراح خطيبها قالها اوكى باى باى انا ماشى
ليلى لاحساسها بالذنب على علاقتها بمدير المنتدى اللى عالنت حست ان انفعال خطيبها انفعال طبيعى جداااا وفضل خطيبها مقاطعها اكتر من اسبوعين
وفى النهاية قالها ليلى انا فكرت وحسيت ان اى واحدة مكانك كانت هتخبى وانا بحترم صراحتك والشهر الجاى جوازنا
طبعا ليلى فرحت جداااااااااااااااااااااا وحست ان المهندس ده فعلا احسن راجل فى حياتها وحست انها تعرفه من زمااان اوووى
وجت ليلة الفرح ولقت ليلى انها امام صدمة كبررررررررررررررررررررى
ليلى وجوزها فى شقتهم ولقت ان المهندس باين عليه انه مضايق اوى
ليلى : فى ايه؟؟
المهندس : فى سر فى حياتى لازم تعرفيه المفروض كنت اصارحك بيه قبل الجواز بس انا مقدرتش ومسيرك هتعرفيه
ليلى : سر ايه؟؟
المهندس : انا انانى جدااااااااااااااااااا المفروض مكنتش اتمم الجواز السر هو انى ................
وما حدث ان ليلى وقعت عالارض من الصدمة ومنطقتش
يا ترى قالها ايه؟؟؟؟؟؟؟؟؟؟؟؟؟؟
تعرفوا بقى فى الجزء الرابع اتمنى تكون القصة عجباكم
| |
|
