الزوج : ليلى افتحى طيب نتفاهم افتحى وانا هفهمك ايه اللى حصل وليه انا عملت كده
وبعد ما الصبح طلع على ليلى وهى بتعيط فتحت الباب ولقت زوجها لسه صاحى قالتله من غير مقدمات انا عايزة اجابة على 3 اسئلة
ليه عملت كده؟ وازاى خدعتنى بالسهولة دى؟؟ وليه مقولتليش قبل الجواز ؟؟
الزوج : طيب اقعدى واستهدى بالله قومى اغسلى وشك و اتوضى وصلى ونقعد نتفاهم وهحكيلك كل حاجة انا عارف انها صدمة بس بجد مقدرتش اقولك قبل الجواز لانى خفت من رد فعلك
الزوج : اللى حصل انى جيت مصر وشفتك ولقيتك جميلة جداااا واستغربت وقلت ايه اللى يخلى واحدة جميلة زيك تقابل واحد متعرفوش اكيد انتى بنت مش كويسة وانا حبيتك فعلا من كلامنا عالنت واللى كنت مستغربله ان اخلاقك عالية جداا مع اى ولد تانى لكن معايا كنتى بتكلمينى وانا قلت ان ده حب بس كان لازم اتاكد وفعلا استنيت ومشيت وراكى وعرفت عنوان بيتك وسالت عليكى ولما اتاكدت من اخلاقك عرفت ان كلامك معايا كان ارتباط برئ وحب طاهر جدا وقلت استنى اشوف رد فعلك لو انا تركتك هتدورى على واحد تانى والا هتصرى عالحب وفعلا اصريتى عالحب وكمان بعتيلى عنوان شغلك وقدمتيلى خدمة كبيرة اووى لما بعتيلى عنوان شغلك لانى صعب انى كنت اراقبك واتابعك
وقلت البنت دى رائعة جدااا ولو احنا ارتبطنا عن طريق النت هتفضلى طول عمرك حاسة ان احنا عرفنا بعض عن طريق النت وكان لازم انى انقل حبنا للواقع هل لو عرفتينى فى الواقع هتحبينى والا لا؟؟
وفعلا كلمت مدير الشركة عندك انى اقدم عرض لصيانة اجهزة الكمبيوتر عندكم وهو رحب وكنت خلاص قررت انى استقر فى مصر وفتحت السنتر وقلت ان مفتاح تعرفى ليكى هو هيبقى الكمبيوتر
عشان كده دخلت مكان شغلك وكلمتك عن الهاكرز عشان عارفك هتهتمى وعلى فكرة انا اللى سمحتلك تخترقى منتدايا وانا اللى اديتك الباسورد بتاعة ايميلاتى وكانك انتى اللى قدرتى تخترقيه
بجد ليلى كنتى صعبانة عليا بس كان لازم ان احنا نتعرف عالواقع وكان فاضل اخر اختبار هل الحب ممكن يخليكى تضحى بايه؟؟
وفعلا لما رجعتى تتكلمى معايا عالنت وابتديت انى اخرج فى الكلام عن حدود الادب وان عايزك تسلية رفضتى فحسيت انك اه ممكن تحبى لكن اخلاقك ومبادئك مستحيل انك تتنازلى عنها وعشان كده حاولت باقصى جهد انى ارتبط بيكى
ليلى : والله العظيم حرام عليك يعنى كان ممكن انك ...........
الزوج : وبعدين قربنا لبعض خلانا نعرف بعض اكتر ونثبت ان حبنا عالنت كان فعلا مشاعر حقيقية بالدليل انك حبتينى فى الحقيقة متتصوريش كنت ببقى فرحان اد ايه وانتى جمبى خاصة لما بنبقى عالكمبيوتر وانا بعلمك
وعلى فكرة رفضك لارتباطنا فى اول مرة ورجوعك لمدير المنتدى اللى هو انا خلانى احس اد ايه انك مخلصة ومش بتتنازلى عن مشاعرك بسهولة وده اللى خلانى اتمسك بيكى اكتر
ليلى : خلصت والا لسه فيه مفاجات تانية؟؟
الزوج : اه على فكرة نائب المدير اخويا هههههههههههه وانا اللى قلتله يغلبك شوية عشان اشوف هتعملى ايه
ليلى : يعنى كلكم اتفقتوا عليا ده انا فضلت شهور اعيط حرام عليكم بجد انا اتعذبت جدا خاصة وانت مش معبرنى واد ايه انجرحت لما قلتلى انا مش بتاع جواز ..........
الزوج : ليلى خلاااص وبعدين بصى للجانب المشرق من الحكاية مش انتى طول عمرك نفسك ان جوزك يكون اول راجل فى حياتك خلاص ده اللى حصل
ليلى : انا فعلا كنت متاكده انى اعرفك من زماان انا مش غبية
الزوج : انتى مش غبية انتى ارق انسانة واحسن اخلاق فعلا يا ليلى مش عيب ان البنت تحب العيب انها تدى نفسها لاى واحد مش جوزها
وابتسمت ليلى وارتمت فى حضن زوجها وقالت اوكى يا مدير ماشى بكرة اردهالك
وبدات حياتها مع مدير المنتدى ..................................
موضوع: حكايتى مع مدير المنتدى ( الجزء الرابع والاخير ) 
الجمعة 7 ديسمبر - 18:21
