لو سمحت متطلقنيش دلوقتى

السلام عليكم ورحمة الله وبركاته

قصة مفيدة لكل واحد متزوج وللى مقبل على الزواج

الزوج رجع البيت وواجه مراته وقال انا عايز اتكلم فى موضوع مهم

الزوجة : اوكى فى ايه؟

الزوج : بمنتهى الهدوء انا عايز الطلاق

الزوجة : ليه؟

تفادى الزوج سؤالها ومعبرهاش وفضل ساكت

الزوجة رمت الاطباق اللى فى ايديها وقالت انت مش رااااااااجل ودخلت فى عياط وانهيار

الليلة عدت وكل واحد ساكت مبيكلمش التانى

الزوج حاسس بالمها لكن مقدرش يصارحها انه حب واحدة تانية وعايز يتجوزها والست اللى عايز يتجوزها شارطة انه يطلق مراته

اليوم التانى............

الزوج : انا كتبتلك الشقة دى باسمك وحطيت مبلغ ليكى فى البنك ودى اوراق الشقة وكمان العربية كتبتها باسمك خدي الاوراق

الزوجة : مسكت الاوراق وقطعتها انا مش عايزة حاجة منك وانهارت فى عياط

الزوج : فجاة حسيت انها انسانة مختلفة عن اللى قضيت معاها 10 سنين اول مرة اشوفها بتعيط جامد كده وصعبت عليا جداااا بس مقدرش اتراجع عن قرار الطلاق لانى بحب وعايز اتجوز اللى بحبها

سبتها ودخلت نمت والصبح رحت على شغلى ولما رجعت بليل لقيتها قاعدة على طربيزة السفرة بتكتب حاجة سيبتها ودخلت نمت

ولما صحيت الصبح لقيتها لسه قاعدة من بليل ................

الزوجة : انا مش عايزة فلوس انا عايزة طلب واحد بس

الزوج : ايه هو؟؟

الزوجة : انا عايزة الطلاق بعد شهر وخلال الشهر ده نتعامل عادى وطبيعى ومنحسسش ابننا باى حاجة غريبة

الزوج : طبعا ماستغربتش من موضوع الشهر عشان الولد عنده امتحانات فقلت ان كل اللى يهمها الولد وخلاص ووافقت لكنى فؤجئت بطلب غريب جدااااااااااااااا

الزوجة : فاكر ليلة دخلتنا ؟؟ لما شيلتنى من الباب لاوضة النوم وبعدين من اوضة النوم لحد اوضة الليفينج فاكر؟؟ انا عايزة طول الشهر تعمل كده كل يوم

طبعا انا استغربت وقلت معلش يمكن الست اتهبلت وانجت خلاص اعملها اللى هى عايزاه عشان نخلص

............................................

الزوج مع حبيبته : بيحكيلها على اللى حصل وعن طلب مراته

الحبيبة : هههههههههه مراتك دى انجنت رسمى روح قدملها على مستشفى المجانين دى هتبقى خطر عالمجتمع شوف ده لؤم ستات بس كده كده هتطلق فمتحاولش تعمل حركاتها الهبلة دى

الزوج : مش مهم اهو شهر ونخلص ونبقى سوا مع بعض يا حبيبتى

..................................................

كل يوم الزوج يشيل مراته من اوضة النوم لحد الباب قبل ما تروح شغلها ومن اوضة النوم لاوضة الليفينج

وابننا لما شاف كده قال بابا شايل ماما وابتسم وضحك وكان فرحان اووى

وهى مغمضة عينيها وهى فى حضنى : متقولش لابننا على الطلاق

.............................................

يوم ورا يوم ابتديت الاحظ وشها شعرها البرفان اللى بتحطه كانى ببصلها لاول مرة فى حياتى؟؟!ّ!!!!!!!!!!

وابتديت شوية شوية احس بمشاعر نحيتها كانى من زمان محستش باحساس القرب ده منها

ويوم بعد يوم بحس انها اخف من اليوم اللى قبليه كانى اصبحت اقوى واقوى

وفى يوم لقيتها بتكلم نفسها ادام الدولاب : يوووه كل اللبس وسع عليا انا خسيت اووى

الزوج : ياااااه عشان كده كانت خفيفة دى كاتمة فى قلبها حزنها على انهيار حياتنا عشان كده وزنها قاعد ينزل وخست اوووى

وبعدين فى اللحظة دى دخل ابننا يقول بابا يالا ده وقت انك تشيل ماما قبل ما تروح الشغل

الزوج : ياااه الولد اتعود على ان اشيل امه وكانها عادة خلاص اتعود عليها

ولقيت زوجتى بتحضن ابننا اووى وساعتها خفت انى اضعف وارجع فى قرار الطلاق فمشيت وسيبتهم وخرجت

.................................................. ..............

وفى اخر يوم من الشهر وانا بشيلها وابننا كان فى المدرسة حضنتها اووى كنت فرحان جداا لكن كنت زعلان من وزنها اللى كل يوم بيقل بسبب القهر وقلتلها اد ايه زواجنا كان ناقصة الحميمية وان احنا نقرب لبعض كده اووى

ولقيتنى بتصل باللى كنت هتجوزها وبقولها انا اسف انا مش هطلق مراتى انا هستمر فى جوازى

وطبعا سيل من الشتايم ليا لكن مهمتش وقلتلها انا مطلبتش الطلاق عشان انا مش بحب زوجتى لا

انا طلبت الطلاق لانى كنت شاعر بالملل وكان ناقصنا تفاصيل فى حياتنا ولما شيلتها كل يوم رجعت لى التفاصيل اللى هتخلينا سعدا

ومشيت ورحت على محل ورد وبعتت بوكيه ورد لمراتى

البياع سالنى اكتب على الكارت ايه؟؟

قلت : حبيبتى ساظل احملك كل يوم حتى يفرق الموت بيننا

واكتشفت انى انشغلت عن مراتى وبيتى بالعربية وبالبيت وبالشركة وبالفلوس عشان تحققلنا السعادة لكن انا كنت غلطان

ورجعت الاسرة سعيدة من جديد..................................

يا ترى بعد ما سمعتوا الحكاية راضيين عن زواجكم؟؟؟؟؟؟؟؟؟

ياريت كل واحد يبقى ليه وقت مع مراته يسمعها ويقرب منها ويعرف ان الفلوس ممكن تخلق جو من السعادة لكن مش هتخلقنا سعداء

اتمنى يكون الموضوع عجبكم منتظرة تعليقاتكم