كنت بخاف!!!!!!!!!!!!

السلام عليكم ورحمة الله وبركاته

شوية خواطر كده اتمنى انها تعجبكم

كنت بخاف ابقى وحيدة لحد ما تعلمت انى احب نفسى

كنت بخاف انى افشل لحد ما اتعلمت انى بفشل بس فى حالة انى مبذلش مجهود

كنت بخاف من راى الناس فيا لحد ما عرفت ان الناس كده كده هتتكلم عليا وتقول رايها فيا

كنت بخاف ان المجتمع يرفضنى او يرفض افكارى لحد ما اتعلمت انى اثق بنفسى

كنت بخاف من انى انجرح واتالم لحد ما اتعلمت انه لازم انجرح عشان اتعلم وانضج

كنت بخاف انى اقول الحقيقة لحد ما شفت القبح فى الكدب

كنت بخاف من الحياة لحد ما شفت واختبرت جمال الدنيا

كنت بخاف من الموت لحد ما اتعلمت ان الموت مش نهاية الموت بداية

كنت بخاف من القدر لحد ما اتعلمت انى ممكن اقدر اغير حياتى

كنت بخاف ان اى حد يكرهنى لحد ما عرفت انه اهون كتير من انى الاقى حد بيتجاهلنى

كنت بخاف انى اكبر واتقدم فى السن لحد ما اتعلمت ان كل يوم بكبره بكتسب خبرة وحكمة

كنت بخاف من الماضى لحد ما عرفت انى ممكن اتغلب عليه ومخليهوش ياثر فيا ويجرحنى

كنت بخاف من الحب لحد ما عرفته وعرفت اد ايه نور حياتى بعد ما كانت ضلمة

واخيرااااااااااااااااااااااااااااا

كنت خايفة من التغيير لحد ما عرفت ان الفراشة لازم تتغير عشان تبقى جميلة اكتر

وياترى انتوا كنتوا بتخافوا من ايه؟؟؟؟؟؟؟؟؟؟؟؟